趕唔切畢業？

老細好似開始擔心我趕唔切畢業。一日都係佢，又唔俾我早 d 開始實戰，成日就係叫我 run program 同 plot graphs。不過我其實都知道，我都唔係做野 ge。

我好誠實咁同佢講，其實之前連 Unix 個 environment 都係肥輝幫我 set 哂 ge，我今次只係第一次實戰。點知佢話，咁之前其實 d 野都係肥輝做架啦，我就淨係打 command。冇錯，我淨係打 command，十足一個 robot，不過做 robot 都要學家嘛，我要好機械咁去唸 d symmetry properties d 野，都真係要用腦家嘛，點都唔可以好似講到我乜都冇做咁家嘛。

不過，佢態度其實都仲係好好 ge。又會幫我搵藉口，話我都係掛住讀書。哈哈，我係就係掛住讀書呀，不過係掛住讀其他書 g ma。

其實今日都算有 d 進展，終於試倒點樣丟野上去排 queue。又係 d 死人 environmental variables 作怪，個 default 都唔知點搞 ge，亂咁 set 都得 ge。

我就唔信我趕唔切畢業。唔好嚇我。大不了咪多半年，橫掂我都冇乜所謂。

=====

開始想睇下 d 乜子物子，因為 "看見" 人說《論語》是四書中最有趣的一部。她的理由是論語中不是一條條的 "法律條文"，呈現的是很多個活生生的人。你可以由孔子和學生們的對話中知道他欣賞那位學生多一些，那個學生的性格怎樣，等等。聽起來倒也有趣。

不過，其實我又中意莊子多 d 喎。睇邊個先好？

其實看書真的不用看些高明的，如果一本書可以令讀者有興趣去繼續伸延閱讀，那本就是好書。也許這樣才最高明。寫得太過艱澀，太過枯燥，很難令人產生趣味。點解讀左七年中學都引唔起學生 ge 興趣呢？是香港的教育失敗，還是我很失敗，孺子不可教？

哥哥之前話人大左就會開始想睇 d 人生哲學之類 ge 野，相隔只一年多，估唔到真係會咁。我之前仲唸住係七老八十，冇野做 ge 時候至會想睇架 tim。