Closed book, open mind

又係哩一句。哈。我的 mind 處於半開合狀態。4 題入面，唔識 1 part，做唔倒 2 parts (~25%)，好彩 ge 話應該會有進步掛。算係似返 d physics ge 卷，所以炒了也只能怪自己了。感覺上，A/A+ 已經離我很遠了。罷了。希望今次唔會低過 mean 啦。

記得有人 quote 馬一平，佢話 "it is a shame to get any grades lower than A+ within your major"。我冇咁 ge 志氣，只求有 A- 而已。總覺得 B+ 很核突。

=====

考完試之後，唸住有學生會黎問野啦，約左人又唔到喎，真係頂。之後四點嚮 library book 左間房俾 d 人問野，有幾個人嚮隔黎房溫緊，於是我就坐去隔黎房。

考完 EM 之後真係好呆，好多野都唔係幾解倒，尤其係對住一 d 唔多醒目 ge 學生。

條友竟然問，integration by part 條式係乜野..... 發神經架真係，我真係唔 (嚮心入面) 話你讀屎片都唔得。第一，你問我 integration by part 點做都仲冇咁過份。你咁樣問我，擺到明你讀書永遠只係睇式做人，哩樣係我最討厭 ge。第二，你問我一 d 中四已經學 ge 野，我真係有權唔答。

條友真係，問完人野又唔肯認認真真聽人解，自己嚮度自言自語！又問我，Fourier Series 條式使唔使背。話冇學過。我問佢 151 唔係有咩？佢話，飛左。咁我唸住同佢講條式點黎啦，佢二話不說就話其他 courses ge TA 話考試前唔應該去明，要背。讀 science 不是不要背，而是要知道怎樣背，甚麼該記，甚麼不用記。算，講多無謂，完全係 waste gases。好在我個 tutorial d 人好似冇咁低能，如果唔係我真係會嘔血。

我覺得 d 咁樣 ge 大學生不如真係唔好再 waste 納稅人 d 錢喇。咁大個人，你真係唔覺得乜都唔識係 okay 羞恥的一件事嗎？唔識咪學囉。

中學生這樣也許還有得救。大學生就唔該同我自然淘汰吧。

香港人反智已不是一朝一日。但如果學生時期已開始反智，那整個社會都一定完全冇希望。但好像潮流興扮低能。事實上，我覺得十年後，幾乎所有人都只會懂用一個形容詞：搞笑。好像不能惹笑的東西就一定悶，不用去理會。我發覺我很難再認為自己是香港人了，也許以後別人問我是那裏人，我會回答：地星人。