密不透風的一天

留左上一個 entry 之後，頂唔順 lu，好似 d 小朋友玩得耐冇電一樣，一撻落床即刻訓著。大概係 11:50pm 左右啦。之後五點正醒左。開住燈。較返鬧鐘先，要 7:30am 起身。再訓過。發左好多夢，有一個竟然嚮度上 tutorial，頂！

起身，沖涼。做返條 221 midterm question 先。野都唔食，就趕去開 TA meeting。9:10 am 上到去，佐治仲未到，好在。之後發覺原來佢又冇錯，係我唔識野，好在頭先唔食早餐都嘔個正確的 solution 出黎，如果唔係我真係落唔倒台，好險。一向以為個 damping constant 係 model 緊 air resistance，原來唔係。哩 d 就係 ideal case 同 practical case 的分別。不過其實都唔係太清楚咩係 damper。我又唔係 experimentalist，真係唔識喎。

之後買 Mc 記上去 conference room，繼續改卷。我改最後一題，都幾舒服，冇乜人識答，係咁隨意俾分就得。改到 12 點去上堂。派返 midterm，64/100，嗯，比我預期低左 10 分。Anyway，都叫做追返上主車群，現在應該介乎 B+/A- 之間。今次 13 人排 3-5，都幾滿意個 ranking。有兩個冇考。

上完堂又去改卷。又係冇飯食。買左都冇得食。Kanber 佢地幫我改 d 我果題，好野，一齊改快好多。改完先至食個飯盒。

辛苦左咁耐，又係獎勵自己的時候。HEHE.. 最近買好多科普。買左本 Feynman ge 演講。今日又買左 Darwin 的 The Origin of Species 同 Einstein 的 Relativity。後者中七個暑假睇唔明，而家應該明掛。不過又係果句，暫時都係買黎 "供奉"，都冇時間睇。用書券買，得用左 $10.2，謝謝！

過埋星期六果關就唔 okay 都要 okay 了。GRE physics 其實都真係有 d 難度，雖然自覺今年比上年識野，但係都唔咁包話考得好。都係要快 d 溫書。

今晚要清埋 221 d 濕滯野！真係開始好憎做 221 野，咁鬼多，發神經架！慘過自己 take n 倍。