好野！

第一堂 Tutorial，本來打算用廣東話，點知有大陸學生唔識聽，於是全程用英語。仲好！我不嬲都唔鍾意用中文 talk physics。

一入到去就狂做數，狂畫圖，等到就黎齊人就開始講。講得麻麻地，但係我見倒有 6, 7 個人應該好明，所以都尚算成功啦！17 個人黎左 15 個。

講完之後俾 5 分鐘佢地消化下，再做個 quiz，10:50 分落堂。時間剛剛好。d 人唔知做乜唔走喎，我就好白痴咁講左句，"做乜唔走 ge?? 落堂喇喎！" d 人咁先至識得閃。

之後有三個人問我野。Easy Easy。好有成功感！

今日俾自己 70 分。希望下次英文會講得流脷 d！

不過，各位同學嚮堂上面十問九唔應，我真係唔知點搞。例如，我問 "ready?" 佢地冇反應。問佢地明唔明第一題，佢地又冇反應。係去到有 d 重點，我反覆咁講，之後至見倒有人點頭。

到底 Professor 教書 ge 時候，會唔會都係覺得我地十問九唔應架呢？